Viltu vita hvaðan maturinn þinn kemur?
Bændamarkaður frú Laugu er að Laugalæk 6, við hliðina á 10/11 og Ísbúðinni.
Hjá frúnni eru á boðstólum vörur beint frá bónda fyrir fólk sem vill vita hvaðan maturinn þess kemur.
Vöruframboðið er í mótun og við erum á fullu við að tala við bændur, sjómenn og fleiri.
En við vitum nú þegar að til sölu verður gómsætur matur af ýmsum toga; ís, skyr, harðfiskur, hákarl, sólþurrkaður þorskur, bláskel, kjöt og grænmeti og sitthvað fleira. Skoðaðu vöruúrvalið hér
Hver er frú Lauga?
Frú Lauga heitir í höfuðið á ömmum okkar stofnendanna, þeim Sigurlaugu, Guðlaugu og Áslaugu. (Fjórða amman hét Elín. Við skírum örugglega eitthvað í höfuðið á henni seinna.)
Nafnið hefur líka skírskotun í hverfið okkar, Laugarnesið, Laugardalinn og Laugalæk, götuna þar sem frúin stendur.