Blómkál er fullt af C-vítamíni. Það inniheldur líka K-vítamín, prótein, magnesium og B6-vítamín.
1 meðalstórt blómkálshöfuð skolað og hreinsað
1 lítill blaðlaukur skorinn í sneiðar (græni hlutinn líka)
3 þykkar sneiðar súrdeigsbrauð
250 gr rifinn ostur (parmesan og havarti passa vel)
1 kjúklingateningur
1 grænmetisteningur
Pipar eftir smekk
1/2 tsk múskat
Cayenna pipar á hnífsoddi
Brauðraspur
1 L vatn
3 msk olía
2 msk hveiti eða annað mjöl til þykkingar
Hitið ofninn í 190°C. Setjið vatn pott með kjúklingateningi, grænmetisteningi, múskati, pipar og cayennapipar. Setjið blómkálshöfuðið í pottinn þegar suðan er komin upp. Sjóðið í 15-20 mínútur eða þar til blómkálið er nokkuð mjúkt við miðju ef prjóni er stungið í.
Ristið 3 þykkar sneiðar af súrdeigsbrauði og skerið í teninga (ef brauðið er dagsgamalt er óþarfi að rista það), setjið á bökunarplötu og dreypið ólívuolíu yfir, saltið. Bakið í ca 7 mínútur eða þar til teningarnir verða gullinbrúnir.
Færið blómkálið yfir í eldfast mót og látið bíða. Blandið saman olíu og hveiti og þykkið soðið. Bragðbætið eftir smekk Rífið ostinn og setjið ca helming út í sósuna og blandið vel saman. Bætið blaðlauknum út í sósuna. Hellið sósunni yfir blómkálið og stráið svo rifnum osti yfir. Stráið að lokum brauðraspi yfir. Bakið í ofni í ca. 15 mínútur eða þar til blómkálið er gullinbrúnt.
Berið fram með brauðteiningunum.