Full búð af súkkulaði

Frúin heimtaði ítalskt súkkulaði. Við létum það eftir henni. Blokkir og dropar fyrir baksturinn (greitt eftir vigt) og minni plötur í jólagjöfina.

Beljan lækkar

Beljan sættist á verðlækkun þótt henni fyndist hún vera meira virði en önnur kassavín. 3 lítrar af rauðu eða hvítu, nú á 5.490 krónur.

Jólagjafir

Nú er hægt að kaupa gjafapoka gegn vægu verði í Frú Laugu og tína eitthvað gómsætt og girnilegt ofaní.

Allt í (jóla)steik

Frúin er með takmarkað pláss í frysti, því hvetjum við þig til að kaupa réttu jólasteikina tímanlega. Sendu okkur líka póst ef þú vilt sérpanta.

UPPSKRIFTIN

Alikálfur frá Lágafelli

Alikálfur er 100 daga gamall kálfur sem hefur nánast eingöngu drukkið mjólk á sinni stuttu ævi en einnig svolítið annað fóður eins og hey.

Sæunn og Halldór á Lágafelli hugsa meira um gæði en magn og slátra kannski er einum til tveimur á mánuði.

Alikálfurinn frá þeim er eitthvað allra besta kjöt sem við höfum eldað á heimilinu, svo mjúkt og bragðgott.

Vínið með alikálfinum má vera sæmilega kröftugt þótt kálfurinn sé mildur á bragðið. Við drukkum með Saint Joseph frá Saint Cosmé sem smellpassaði, svolítið eins og alikálfurinn, mjúkt, milt en lúmskt öflugt.

Við elduðum nýlega file og rib-eye úr alikálf frá Lágafelli. Allt svo einfalt að það er varla hægt að tala um uppskriftir. Lestu framhaldið á blogginu

VÍNIÐ MEÐ JÓLAMATNUM

Jólavínið Bisceglia Aglianico del Vulture

Aglianico del Vulture er fjölhæft matarvín og aðgengilegt á sinn suðræna hátt. Ávaxtaríkt og þétt á velli og gott með jólamatnum.

Það er úr lífrænum þrúgum, þykkt og kröftugt, og fullt af einkennandi svörtum berjum og suðrænum eiginleikum sem okkur finnst gott að hlýja okkur við yfir vetrarmánuðina.

Vínótekið 4 glös: "Mikið vín en samt leikandi létt. Maður segir bara vá!"

Gestgjafinn 4 glös: "Sérstaklega vandað vín sem dregur fram það besta hjá þrúgunni, margslungið og matarvænt."

Fæst í Vínbúðunum Skútuvogi, Heiðrúnu, Kringlunni, Hafnarfirði og á Akureyri.

P.S. Minnum á vínsmökkun frú Laugu alla föstudaga. Komdu!