Verið velkomin. Frú Lauga er hverfisverzlun sem býður upp á ferskar matvörur frá íslenskum bændum um land allt. Gæði og rekjanleiki eru hennar ær og kýr. Hún flytur líka inn spennandi góðgæti frá bændum á meginlandinu og þá aðallega Ítalíu. Takk fyrir komuna.
Eftir því sem við best vitum er aðeins einn sveppabóndi á landinu, Georg Ottóson á Flúðasveppum. Hann er því ókrýndur konungur sveppsins á Íslandi og varla til sá Íslendingur sem hefur ekki smakkað flúðasvepp.
Sem betur fer fyrir okkur sveppaæturnar er ræktunin vistvæn frá upphafi til enda. Hún hefst þegar safnað er saman afgangshálmi frá nærliggjandi bændum og bætt við skít og vatni til að búa til moltu. Þetta myndar jarðveginn sem sveppagrónum er stráð yfir auk þess að vera uppstaðan í flúðamoldinni vinsælu sem Georg framleiðir og margir nota til vistvænnar ræktunar.
Þetta er myndarlegt býli sem spilar mikilvægt hlutverk í sjálfbærni þjóðarinnar.
Ef þú hefur farið í sundlaugina á Flúðum, setið í heita pottinum og horft upp brekkuna upp af sundlaugabakkanum þá hefur þú hugsanlega séð góðurhús Laugarlands rétt fyrir ofan.
Í gróðurhúsunum næst sundlauginni eru ræktaðar rósir af miklu kappi. Litlu rósirnar fást í lausu í “óætu” deildinni okkur, þá er bara hægt velja sér eina og eina rós sem margir kunna að meta. Rósirnar gera líka frúnna fallegri.
Ýmislegt grænt og gott er þó ræktað líka á Laugarlandi og má sérstaklega nefna hið vinsæla fjallaspínat sem er eitt af því sem heldur lífi í Frú Laugu yfir vetrartímann. Einnig fjallasteinselja, mizuna og klettasalat.
Emil Gunnlaugsson stofnaði Laugarland 1955 og rekur enn í dag ásamt sonum sínum Rafni og Magnúsi.
Rafn tók á móti okkur daginn sem við kíktum í heimsókn, sýndi okkur gróðurhúsin og listaherbergið. Hann sýndi okkur fjallaspínatið sem þá var aðeins lítið tilraunabeð og sömdum við um prufusendingar fyrir Frú Laugu um leið og fyrsta uppskera kæmi í hús. Það tókst svona glimrandi vel og sér ekki fyrir endann á.
Vinsælasti grænmetissalinn á Flúðum er líklegast sjálfsalinn á Melum sem stendur við vegkantinn á jaðri bæjarins. Varla er til sá ferðalangur og sumarbústaðarfari sem hefur ekki heilsað upp á sjálfsalann og nælt sér í nýtt grænmeti í skiptum fyrir klink.
Við renndum í hlað á Melum síðasta vor og fengum lipra og ljúfmannlega leiðsögn hjá Guðjóni grænmetisbónda sem hefur verið innan um grænmeti frá barnæsku eins og eiginkona hans Sigríður Helga. Í dag eru Melar eitt kraftmest býlið í grænmetisframleiðslu á landinu og framleiðir mest allra af tómötum, þ.á.m. konfekttómatana góðu sem eru svo vinsælir í Frú Laugu. Hér fáum við líka sérstaklega gott spergilkál, smágert og bragðmikið, agúrkur og fleira.
Þar er óhætt að segja að framleiðslan hér sé vistvæn. Tómatarnir eru ræktaðir í vikri úr Heklu gömlu og árvökular býflugur sjá um fróvgunarstörf. Engin eiturefni eru notuð.
Opið 12-19 alla daga til jóla (lokað aðfangadag). Ef frúin er í stuði og gestir halda áfram að koma verður opið eitthvað fram á kveld, jafnvel.
Eftir jólin er opið þriðjudag til föstudags 12-18 (lokað gamlársdag).
Gleðilega hátíð!
Jólatré.
Stafafururnar frá Vallanesi, Móður jörð, eru komnar. Of fallegar til að setja ekki upp strax.
Bændurnir í Valdibella eru ánægðir með að rauðvínið þeirra JAKI skuli hafi verið valið VÍN MÁNAÐARINS í jóla-Gestgjafanum sem var að koma út.
“Einstakt jafnvægi og mikil gæði miðað við verð” – 4 1/2 glas.
