Þetta er salat sem gerir lífið aðeins betra
Túnfiskurinn og ansjósurnar sem við flytjum við inn frá spáni eru í lífrænni ólívuolíu. Vandaðar vörur og með eindæmum bragðgóðar.
Salatið:
150 g túnfiskur
6 flök ansjósur
6 msk mayones
100 g ricotta de bufala
1 tsk pipar
örlítill hvítlaukur
Graslaukur
Brauð
1 pizzadeig súrdeigs (fæst frosið í Frú Laugu)
hvítlauksolía (ca 6 msk ólívuolía og 1 hvítlauksgeiri)
salt
Rósmarin eða timían
Forhitið ofninná hæsta hita (ca 250°C), hafið bökunarplötuna sem á að nota inni í ofninum á meðan hann er hitaður. Setjið deigið á bökunarpappír sem búið er að strá hveiti á. Ýtið með fingrunum í deigið til að fletja það út (ekki alveg í tólf tommur). Penslið hvítlauksolíu á deigið, stráið yfir það salti og rósmarini eða timían. Snúið deiginu við og endurtakið leikinn.
Takið bökunarplötuna úr ofninum og dragið deigið á bökunarpappírnum yfir á plötuna. Bakið í 5-10 mínúrtur eða þar til það er orðið gullinbrúnt. Rífið parmesanost yfir brauðið.
Skerið brauðið í fjóra helminga og fyllið helmingana með túnfisksalatinu.
Verði ykkur að góðu